Вітраж з выявай мужчыны з мячом

На фоне сцяны паміж калонамі стаіць мужчына, які абапіраецца на двухручны меч, у чырвоных штанах, правая калоша якіх арнаментаваная гарызантальнай палоскай, левая - вертыкальнай, у паласатых панчохах, у аранжавай камізэльцы, у кашулі з сіне-жоўтымі рукавамі. На поясе справа - кароткі меч. Каля левай нагі мужчыны - шчыт з гербавай сімволікай з выявай дэльфіна на шчыце на сінім фоне і трох зорак над ім на залатым фоне. Дэльфін - як гербавая фігура быў эмблемай сілы і алегорыяй выратавання. У верхняй частцы вітража, на фоне пейзажа з замкам, намаляваны ваяр у касцюме мушкецёра, які практыкуецца ў стральбе па мішэні.