Збан

Дно шклянога посуду замацавана на срэбным з залацістым напыленнем паддоне, які па краю ўпрыгожаны канаўкай з залачэннем і поясам расліннага арнаменту. Тулава конусападобнай формы, шліфаванае прадольнымі баразёнкамі. Папярок корпусу, па сярэдзіне - паглыбленне для металічнага колца, да колца прымацавана С- падобнае дзяржанне. Верхні край збана ўмацаваны срэбнай аправай цыліндрычнай формы з дзюбападобным злівам і купалападобнай накрыўкай, прымацаванай на завесе. Аправа вусця мае два супрацьлеглыя металічныя шчыткі. На адным вензель: «МС», на другім - «ЕS». Дзяржанне С-падобнай формы з упрыгожаннем на загіне - галавой ільва. Клеймы: на накрыўцы - проба «84» у прамавугольным шчытку, на металічным корпусе: выява якара ў авале, лік «84» у прамавугльніку. На паддоне: надпіс «Malcz» у прамавугольніку, якар ў авале, «.../1884/84...».

D - 16,0