Жывапіс «Каляднікі ў Ракаве»

На фоне зімовага краявіду, ў цэнтры гарызантальнага палатна - група каляднікаў са святочнымі атрыбутамі. На пярэднім плане- у фас - дзве дзяўчыны; адна з якіх у руках трымае белую расфарбаваную маску Казла. Жаночая фігура злева апранута ў карычневы жупан і жаўтаватую, з кветкамі, баваўняную хустку, рукі ў ізумрудных рукавіцах свабодна апушчаны ўздоўж цела. За дзяўчынамі - дзве мужскія фігуры ў руху. Мужчына справа сціскае сімвал свята- Калядную зорку , ў жоўтым каларыце, якая замацавана на доўгім шасце. Галава персанажа злева павернута налева. У левай руцэ ён трымае свечку. Справа ад групы - пасялковы краявід, дамінанта якога - заснежаны Ракаўскі касцёл. На другім плане выяўлена другая група з пяці каляднікаў ў руху, за імі - асветленая вуліца ў накірунку да касцёла