Жывапіс «Радзіма»

Кампазіцыя гарызантальнага фармату. На пярэднім плане, у контражуры намалявана пяць магутных дубоў у адзін рад, з амаль роўнымі інтэрваламі. Вяршыні дубоў зрэзаныя верхнім краем карціны. Цёмна-карычневыя, амаль чорныя ствалы кантрасна вылучаюцца сілуэтам на светлым фоне другога і далёкага планаў. У цэнтры кампазіцыі, са зрухам уніз і трохі направа - лаўка. Яна перакрывае цёмныя вертыкалі ствалоў светлай гарызантальнай паласой. Як і цёмна-зялёная трава на пярэднім плане, лаўка абсыпана апалым лісцем. Злева ад лаўкі анфас намалявана жанчына ў блакітнай вышытай кашулі. Яна стаіць, паклаўшы рукі на плечы дзяўчынцы ў цёмна-блакітнай спадніцы і ярка-чырвоных калготах. Халодныя блакітнаваты тон лаўкі і фігур людзей падтрыманы блакітнай гамай неба і дальняга плана. Сярэдні план амаль цалкам займае малюнак аднапавярховай вясковай хаты. Злева і справа яе агінаюць сцяжынкі, якія сыходзяць удалячынь. Рэзкае перспектыўнае скарачэнне сцяжын адводзіць погляд у глыбіню карціны, дзе на дальнім плане бачны маленькія фігуркі людзей - дзве злева і тры справа. У драўлянай раме чорнага колеру