Анатацыя
На палатне партрэт польскага караля Стэфана Баторыя. Твар маладога чалавека з вусамі і барадой. Постаць прадстаўлена па пояс са складзенымі адна на адну кісцямі рук. Чалавек на партрэце апрануты ў белую кашулю, чырвоны расшыты жупан, які зашпільваецца на адзін рад гузікаў, абцянутых чырвонай тканінай. Паверх жупана накінута футравая камізэлька. На галаве з кароткастрыжанымі валасамі апранута футравая шапка, упрыгожаная аграфам з жэмчугам і пер'ямі. Палатно на падрамніку.